„ლოგიკა და პრაქტიკული მათემატიკა“ არის STUDY POINT-ის ინოვაციური სასწავლო პროგრამა, რომელიც განკუთვნილია 5-9 კლასის მოსწავლეებისთვის და მიზნად ისახავს:

1️⃣ მათემატიკის სამყაროში მოგზაურობას, რომლის ფარგლებშიც მოსწავლეები საფუძვლიანად ისწავლიან:

• რიცხვებზე მოქმედებებს სხვადასხვა ხერხის გამოყენებით;

• გეომეტრიას (კუთხეები, ფიგურები, გარდაქმნები, დამტკიცებები და სხვა) და სივრცულ აღქმას;

• სიდიდეებს შორის პირდაპირპროპორციული დამოკიდებულების ამოცნობას, ამოცანის და განტოლების ამოხსნისას სხვადასხვა ოპერაციების გამოყენებას, რიცხვითი მიმდევრობის გავრცობასა და გაანალიზებას;

• დასმული ამოცანის ამოსახსნელად საჭირო თვისობრივი და რაოდენობრივი მონაცემების მოპოვებას, მოწესრიგებას, სასურველი ფორმით წარმოდგენას, ინტერპრეტაციასა და ანალიზს.

2️⃣ ტექსტის გააზრების, ლოგიკური და კრიტიკული აზროვნების უნარების განვითარებას

მათემატიკური ლოგიკა აუცილებელია არა მხოლოდ სასკოლო საგნებში წარმატების მისაღწევად და კონკურსებში გამარჯვებისთვის, არამედ ეს უნარები ბავშვს ასწავლის სიტუაციების მოდელირებას, შედარებას და საუკეთესო გადაწყვეტილებების არჩევას რეალურ ცხოვრებაში. ამავდროულად ტექსტის გააზრების უნარი მნიშვნელოვანია სხვადასხვა ტიპის ტექსტებიდან მიღებული ინფორმაციის გააზრების, ტექსტის სხვადასხვა ნაწილში მოცემული ფაქტებისა და მოსაზრებების ერთმანეთთან დაკავშირების, დასკვნების გამოტანისა და მიზეზშედეგობრივი კავშირების დანახვისთვის.