საბავშვო შემოქმედებითი პროგრამა "Gen Alpha" არის Study Point-ის ინოვაციური სასწავლო მიმართულება, რომელიც განკუთვნილია 1-4 კლასის მოსწავლეთათვის და მიზნად ისახავს ბავშვებში ენობრივი და სააზროვნო, ლოგიკური და მათემატიკური, მხატვრული და შემოქმედებითი, კოგნიტური და მოტორული, კომუნიკაციური და მეტყველების უნარების განვითარებას.
სასწავლო პროგრამა მოიცავს შემდეგ კომპონენტებს:
წიგნიერება მნიშვნელოვანია ბავშვთა კოგნიტური და სოციო-ემოციური განვითარებისთვის. იგი ხელს უწყობს ტექსტის გააზრების უნარების ჩამოყალიბებას, ასევე ენობრივი და ზოგადი სააზროვნო უნარების განვითარებას.
მათემატიკა და ლოგიკა აუცილებელია არა მხოლოდ სასკოლო საგნებში წარმატების მისაღწევად და კონკურსებში გამარჯვებისთვის, არამედ ეს უნარები ბავშვს ასწავლის სიტუაციების მოდელირებას, შედარებას და საუკეთესო გადაწყვეტილებების არჩევას რეალურ ცხოვრებაში.
ART-ხელოვნება ხელს უწყობს ბავშვებში მოტორული, წარმოსახვითი და ინტელექტუალური უნარების, ასევე სივრცული და შემოქმედებითი აზროვნების განვითარებას. იგი ეხმარება ბავშვებს გადალახონ დადგენილი საზღვრები, შექმნან ახალი და მათთვის სასურველი რეალობა.
სწორი მეტყველება არის მნიშვნელოვანი უნარი, რომელიც აძლევს ბავშვს შესაძლებლობას გამოთქვას საკუთარი ემოციები, ფიქრები, აზრები და შეხედულებები სიტყვების საშუალებით. მეტყველება აერთიანებს ბავშვის საუბრის კომუნიკაციისა და თხრობის უნარებს.
სასწავლო პროგრამის დეტალები:
ხანგრძლივობა: 3 თვე - 12 შეხვედრა (ოქტომბერი - დეკემბერი). შეხვედრები ჩატარდება ყოველ შაბათ დღეს.
ჯგუფში მოსწავლეთა რაოდენობა: 8-12 მონაწილე. ჯგუფები დაკომპლექტდება ასაკობრივი კატეგორიის მიხედვით.
მეცადინეობის ხანგრძლივობა: 2.5-3 სთ (მცირე შესვენებებით).
სასწავლო პროგრამის ფარგლებში, სახალისო აქტივობებისა და თამაშების მეშვეობით, ბავშვები:
გაეცნობიან კლასგარეშე ქართულ და უცხოურ ლიტერატურას, მოახდენენ სხვადასხვა ტიპის ტექსტებიდან მიღებული ინფორმაციის გააზრებას, მსჯელობასა და დასკვნების გამოტანას; ასევე შეისწავლიან პრაქტიკული გრამატიკის თავისებურებებს;
იმუშავებენ ლოგიკური ამოცანების გააზრებასა და ამოხსნაზე, თავსატეხ დავალებებზე, ამოცანის პირობის წაკითხვასა და გააზრებაზე. რაც დაეხმარება მათ თვითშეფასების ამაღლებაში, უკეთესად ფიქრსა და ლოგიკურ აზროვნებაში;
ფერადი პლასტელინების და საღებავების გამოყენებით, სასურათე სიბრტყეზე, შექმნიან სხვადასხვა თემატიკის შემოქმედებით და რელიეფურ ნახატებს;
პრაქტიკული სავარჯიშოების მეშვეობით ისწავლიან წინადადებებში სიტყვების სწორად და გამართულად წარმოთქმას, მოახდენენ სიტყვებში თანხმოვან კომფლექტების სწორ ფორმირებას, განვითარებენ ეფექტური კომუნიკაციისა და მეტყველების უნარებს.
გადასახადი: 540 ლარი (ერთიანად გადახდის შემთხვევაში 500 ლარი, ყოველთვიური 180 ლარი)
აუდიო-ვიდეო რესურსები