სასკოლო მზაობას უმნიშვნელოვანესი ადგილი უჭირავს ბავშვთა განვითარებაში. სკოლისათვის და შემდგომი ცხოვრებისათვის მომზადება კომპლექსური პროცესია და ასაკობრივი თავისებურებების გათვალისწინებით, ბავშვის სრულფასოვან პიროვნებად ჩამოყალიბების მყარ საფუძველს წარმოადგენს. როდესაც ბავშვი სათანადოდ არის განვითარებული სასკოლო მზაობის კუთხით, იგი ბევრად უფრო პოზიტიურად და წარმატებით ერთვება საგაკვეთილო პროცესში, რაც მნიშვნელოვნია მის ცხოვრებისეული წინსვლისთვის.
Embedded Files
სასკოლო მზაობის პროგრამა „პატარა მოსწავლეები” განკუთვნილია წინასასკოლო ასაკის ბავშვებისთვის და ითვალისწინებს იმ უნარების ფართო სპექტრის განვითარებას, რომელიც დაეხმარება მას სასკოლო გარემოსთან მარტივ ადაპტაციაში, სწავლის პროცესის ეფექტურად წარმართვაში, სასკოლო ამოცანების წარმატებით დაძლევასა და სოციალიზაციაში.
პროგრამა მოიცავს მრავალფეროვან და საინტერესო შეხვედრებს, რომელიც მიზნად ისახავს ბავშვებში:
სწავლისადმი სწორი მიდგომის ჩამოყალიბებას (მოტივაციის შექმნა/ამაღლება; სასწავლო და სააზროვნო უნარების განვითარება)
სოციალურ-ემოციური უნარების განვითარებას (თვითშეფასება; იდენტობა; თვითგამოხატვა; უფროსებთან და თანატოლებთან ურთიერთობა; ჯგუფში ქცევა და გარემოსთან ადაპტაცია)
ფიზიკურ განვითარებას (წვრილი, ნატიფი მოტორული უნარის განვითარება, ფიზიკური და პირადი უსაფრთხოების გააზრება)
შემეცნებითი უნარების და შესაძლებლობის განვითარებას (გარემოს ესთეტიკური აღქმა და დაფასება; თვითგამოხატვა და ხელოვნება; ზოგადი ცოდნის, ლოგიკური და კრიტიკული აზროვნების განვითარება)
წინააკადემიური უნარების განვითარებას (წინასაანბანო პერიოდი-ფონოლოგიური უნარების განვითარება; ექსპრესიული და იმპრესიული მეტყველება, ვერბალური და არავერბალური კომუნიკაცია, წიგნიერება)
სასწავლო პროგრამას უძღვება ბავშვებთან მუშაობის 20 წლიანი გამოცდილების მქონე პედაგოგი და ბავშვთა ფსიქოლოგი ნათია კანდელაკი.
სასწავლო პროცესი წარიმართება სასკოლო მზაობის საგანმანათლებლო სახელმწიფო სტანდარტით გათვალისწინებული, ასაკზე მორგებული სახალისო, განმავითარებელი თამაშებითა და აქტივობებით, რომლებიც მოითხოვს მიზნის დასახვას, მითითებების შესრულებას, იმპულსის და გრძნობების მართვას, ყურადღების მართვას, პრობლემის გადაჭრის სხვადასხვა გზების ძიებასა და მოქმედების დაგეგმვით მიზნის მიღწევას.
გრძელვადიანი პროგრამის ფარგლებში, სასკოლო ცხოვრებასთან დაახლოების მიზნით, ბავშვებს აგრეთვე ექნებათ გასვლითი აქტივობები და შემეცნებითი ვიზიტები.
პროგრამის დასასრულს გაიმართება შემაჯამებელი შეხვედრა მშობელთან, რომლის ფარგლებშიც მოხდება ბავშვის სასკოლო მზაობის შეფასება და შესაბამისი რეკომენდაციის გაზიარება. პროგრამის დასრულების შემდეგ ბავშვებს სერტიფიკატები გადაეცემათ.
სასწავლო პროგრამის დეტალები:
გრძელვადიანი პროგრამა
მოიცავს 20 შეხვედრას. შეხვედრები ჩატარდება კვირაში ერთხელ შაბათ დღეს (ხანგრძლივობა - 2 სთ 30 წთ). დღეში გათვალისწინებულია 3-4 სასწავლო-განმავითარებელი აქტივობა მცირე შესვენებით.
საორიენტაციო პერიოდი: 25 იანვარი - 21 ივნისი
ჯგუფში ბავშვთა რაოდენობა: 8-12 ბავშვი.
პროგრამის ღირებულება: 900 ლარი (ყოველთვიური 180 ლარი). დედმამიშვილებზე და study point-ის სასწავლო პროგრამის მონაწილეებზე მოქმედებს დამატებითი ფასდაკლება.
მოკლევადიანი პროგრამა (საზაფხულო)
მოიცავს 10 შეხვედრას. შეხვედრები ჩატარდება კვირაში ორჯერ (ხანგრძლივობა - 2 სთ). დღეები დაზუსტდება ჯგუფთან ურთიერთშეთანხმებით. დღეში გათვალისწინებულია 2-3 სასწავლო-განმავითარებელი აქტივობა მცირე შესვენებით.
საორიენტაციო პერიოდი: 16 ივნისი - 18 ივლისი
ჯგუფში ბავშვთა რაოდენობა: 8-12 ბავშვი.
პროგრამის ღირებულება: 350 ლარი. დედმამიშვილებზე და study point-ის სასწავლო პროგრამის მონაწილეებზე მოქმედებს დამატებითი ფასდაკლება.
პროგრამის ღირებულებაში შედის სასწავლო რესურსები და მასალები, რაც ბავშვებს პროგრამის განხორციელების პროცესში სჭირდებათ. პროგრამის დაწყებამდე საჭიროების შემთხვევაში ჩატარდება ღია კარის დღე მშობლებთან.
ფოტო-ვიდეო რესურსები
Report abuse